Çfarë mund të ndërtoni

Ju dërgoni një faturë si JSON dhe merrni një dokument të fiskalizuar, me IIC, FIC, URL verifikimi dhe PDF. Certifikatat, nënshkrimi XML, SOAP-i me CIS-in dhe riprovimi kur shërbimi nuk përgjigjet janë punë e fature.al. Termat shpjegohen te Konceptet bazë.

Kush ndërtohet mbi të#

• Programe kontabiliteti dhe ERP. Fatura lëshohet aty ku është shitja. Klientët dhe produktet sinkronizohen në të dy anët.
• Dyqane online. Porosia e paguar bëhet faturë në të njëjtin çast, dhe blerësi merr PDF-në bashkë me konfirmimin.
• Programe arke, bari dhe restoranti. Porosia hapet kur ulet tavolina dhe mbyllet me një pagesë të vetme.
• Aplikacione vertikale. Një program që njeh një zanat (inventarin e një bari, porositë e një furre) merr faturimin ligjor pa e ndërtuar vetë.
• Ofrues software-i. Një instalim, shumë kompani, secila me identitetin e vet fiskal.

Çfarë bën API-ja për ju#

• Të gjitha llojet e dokumentit. Cash, jo-cash, e-faturë, porosi me përmbledhëse, bulk jo-cash dhe fletë shoqëruese (WTN), secili me rregullat e veta. Shihni Llojet e faturave.
• Certifikatat. Nënshkrimi elektronik, skadimi dhe rinovimi.
• Pajisjet fiskale. TCR-ja, njësia e biznesit dhe kodi i operatorit zgjidhen nga token-i që dërgoni.
• Numërimi. Numri rendor për biznes, vit dhe TCR mbetet i saktë edhe kur dy kërkesa vijnë në të njëjtin çast.
• Fiskalizimi i shtyrë. Kur CIS-i nuk përgjigjet, fatura ruhet dhe fiskalizohet më vonë. Shihni Gabimet.
• Dokumenti për blerësin. PDF dhe URL verifikimi që hapet me kod QR.

Të dhëna që nuk i keni ju#

Regjistri i NIPT-eve. GET /client/search kërkon një kompani në regjistrin fiskal me NIPT dhe kthen emrin, adresën, qytetin dhe një shenjë verified. Formulari juaj i klientit të ri kërkon një fushë të vetme dhe i mbush vetë të tjerat, dhe një NIPT i gabuar kapet para se të dalë në faturë.

Faturat e blerjes, nga CIS-i. GET /purchase-invoices sjell faturat që ju kanë lëshuar juve, ashtu siç i ka regjistruar CIS-i: me artikujt, shitësin, TVSH-në dhe mënyrën e pagesës. Furnitorët nuk ju dërgojnë gjë. Kjo mundëson rakordim blerjesh dhe TVSH-je pa hap manual.

Kursi i këmbimit i ditës. GET /exchange-rates kthen kursin e shitjes për çdo monedhë nga Banka e Shqipërisë, BKT, Iliria '98 ose Adon, sipas burimit që zgjidhni. Përgjigja ruhet në cache në server dhe mban fetchedAt, prandaj klienti juaj mund ta mbajë snapshot-in e fundit dhe të punojë edhe pa internet.

Regjistrimi i klientëve tuaj (partnerë)#

Ofruesit e software-it mund t'i hapin vetë llogaritë e klientëve të tyre me grupin Regjistrimi i kompanive. Grupi është i mbyllur si parazgjedhje dhe hapet me kërkesë. Radha e hapave:

1. POST /register: krijon kompaninë dhe kthen token-in e përdoruesit të parë dhe id-në e njësisë.
2. POST /on-boarding/certificate: ngarkon certifikatën elektronike, pa të cilën asgjë nuk nënshkruhet.
3. POST /on-boarding/branch/{id}: vendos businessUnitCode te njësia.
4. POST /on-boarding/fiscal-device: regjistron TCR-në te tatimet dhe kthen kodin e saj. Kërkon certifikatën dhe kodin e njësisë. Vetëm për fatura cash.
5. POST /on-boarding/user/{id}: vendos operatorCode dhe fiscalTcrCode te përdoruesi.
6. POST /on-boarding/bank-account: llogaria bankare për faturat jo-cash dhe e-faturat.

Në fund klienti juaj lëshon fatura pa e hapur fature.al. Në sandbox, NIPT-i L62221018T te POST /register kalon në një rrjedhë prove që kthen një token të vërtetë pa krijuar kompani të re.

Raportet llogariten në server#

Raportet e bëjnë mbledhjen në bazën e të dhënave dhe kthejnë shifrën, në vend që ju të lexoni listën e faturave faqe pas faqeje:

Arka fiskale#

Grupi i arkës fiskale hap dhe mbyll balancën, regjistron hyrje dhe dalje parash, dhe jep raportin e mbylljes. Një program arke merr kështu turnin, rakordimin e fundit të ditës dhe historikun e veprimeve.

GET /dashboard/summary kthen në një thirrje turnin e hapur, shitjet e sotme përballë atyre të djeshme, gjendjen e arkës dhe faturat e fundit. Përgjigja ruhet në cache për pak sekonda, prandaj përdoreni për ekranin kryesor, jo për rakordim.

Lëvizja e mallit#

Fleta shoqëruese (WTN) mbulon mallin që udhëton pa u shitur ende: nga magazina në dyqan, te doganat, në panair. Kërkohet nga ligji. Lëshohet me POST /invoice/wtn.

Kanale shitjeje të gatshme#

Nëse biznesi shet në Wolt, /api/partner/v1/wolt sjell porositë, i pranon, i refuzon dhe i fiskalizon. Kanali ka dokumentin e vet, te /docs/api/partner.

Nga ku të filloni#

• Fillimi i shpejtë ju çon te fatura e parë.
• Llojet e faturave tregon cilin endpoint të thirrni dhe me çfarë.
• Fatura elektronike mbulon e-faturat dhe korrigjimet e tyre.