Konceptet bazë
Kjo faqe shpjegon termat që përdor pjesa tjetër e dokumentacionit. Nëse nuk keni punuar më parë me fiskalizimin në Shqipëri, lexojeni para Fillimit të shpejtë.
Fiskalizimi, në pak rreshta#
Në Shqipëri çdo faturë raportohet në kohë reale te administrata tatimore, në sistemin qendror të fiskalizimit (CIS). Sistemi e regjistron faturën dhe kthen kodet e saj, të cilat shfaqen në dokumentin që merr blerësi bashkë me një kod QR që hap faqen e verifikimit. Kur CIS-i nuk arrihet, fatura lëshohet gjithsesi, ruhet dhe fiskalizohet automatikisht sapo shërbimi kthehet. Faturat drejt bizneseve mund të shkojnë edhe në platformën qendrore të e-faturave, e cila ia dorëzon blerësit dokumentin elektronik.
fature.al i bën të gjitha këto: nënshkruan me certifikatën e biznesit, komunikon me CIS-in dhe me platformën e e-faturave, mban numërimin, ruan dokumentin dhe e riprovon fiskalizimin kur shërbimi nuk përgjigjet.
Kush lëshon faturën#
| Subjekti | Çfarë është | Ku del në API |
|---|---|---|
| Kompania | Biznesi që lëshon faturat, i identifikuar me NIPT (i njëjti kod quhet edhe NUIS) | Token-i i përket një përdoruesi të saj |
| Njësia e biznesit | Vendi ku ushtrohet veprimtaria: dyqani, zyra, magazina. Ka një kod të marrë nga tatimet, businessUnitCode |
businessCode në përgjigje |
| Operatori | Personi që lëshon faturën, me kodin e operatorit të marrë nga tatimet | operatorCode në përgjigje |
| Pajisja fiskale (TCR) | Arka e regjistruar te tatimet, me kodin e saj TCR. Vetëm faturat cash lëshohen nga një TCR | tcrCode në përgjigje |
| Certifikata | Certifikata elektronike e biznesit, me të cilën nënshkruhet çdo kërkesë drejt tatimeve | Ngarkohet një herë; nuk dërgohet në kërkesa |
Token-i i përdoruesit i mban të gjitha: prej tij zgjidhen kompania, njësia, operatori dhe TCR-ja.
Ju nuk i dërgoni në asnjë kërkesë faturimi. GET /account ju thotë me cilin biznes, njësi
biznesi dhe pajisje fiskale po punoni.
Llojet e dokumenteve#
| Dokumenti | Endpoint-i | Kur përdoret |
|---|---|---|
| Faturë cash | POST /invoice/cash |
Pagesa kryhet në çast, në arkë: para në dorë, kartë, kartë kompanie, tollona |
| Faturë jo-cash | POST /invoice/noncash |
Pagesa vjen më vonë, me transfertë ose në llogari |
| E-faturë | POST /invoice/e-invoice |
Blerësi është biznes dhe fatura i dorëzohet nëpërmjet platformës së e-faturave |
| Faturë porosi | POST /invoice/order |
Konsumi ka nisur, pagesa jo: tavolina në restorant |
| Faturë përmbledhëse | POST /invoice/summary |
Mbyll një ose më shumë porosi me një pagesë |
| Bulk jo-cash | POST /invoice/bulk-noncash |
Shumë fatura jo-cash me një kërkesë, për faturim periodik |
| Fletë shoqëruese (WTN) | POST /invoice/wtn |
Mall që lëviz pa u shitur; e kërkuar nga ligji |
Body i kërkesës ndryshon nga një lloj te tjetri më shumë nga sa duket: e njëjta faturë e dërguar te dy endpoint-e refuzohet nga njëri prej tyre. Rregullat e secilit janë te Llojet e faturave.
Çfarë ktheni pas dhe çfarë të ruani#
Çdo lëshim kthen të njëjtët identifikues:
| Fusha | Çfarë është | Ruajeni? |
|---|---|---|
id |
Id-ja e faturës në fature.al | Po, ose punoni me internalId tuaj |
number |
Numri i faturës, si 12/2026 |
Po; shfaqet te blerësi |
iic |
Kodi identifikues i faturës, i llogaritur nga nënshkrimi. Në ligj quhet NSLF | Po; është çelësi për notat e korrigjimit dhe për përmbledhëset |
fic |
Kodi që kthen CIS-i kur e regjistron faturën. Në ligj quhet NIVF. null sa kohë fatura pret fiskalizimin |
Po |
eic |
Kodi i faturës në platformën e e-faturave. Vetëm te e-faturat | Po, te e-faturat |
verifyURL |
Faqja e verifikimit te tatimet, ajo që hap kodi QR | Po, nëse printoni vetë |
pdf |
URL-ja e dokumentit të gatshëm | Sipas nevojës |
internalId është numri i faturës në sistemin tuaj. Ju e dërgoni në çdo lëshim, dhe me të mund ta
gjeni dhe ta anuloni faturën pa mbajtur id-në tonë. fature.al nuk e kthen internalId në
përgjigjen e lëshimit; ruani vetë lidhjen mes tij dhe id, number dhe iic.
Fjalorth#
| Termi | Kuptimi |
|---|---|
| NIPT / NUIS | Numri i identifikimit të tatimpaguesit, si L62221018T. Dy emra për të njëjtin kod |
| CIS | Sistemi qendror i fiskalizimit i administratës tatimore, ku regjistrohet çdo faturë |
| IIC / NSLF | Kodi identifikues i faturës, 32 karaktere hexadecimal. I njëjti kod me dy emra |
| FIC / NIVF | Kodi që kthen CIS-i kur regjistron faturën, një UUID. I njëjti kod me dy emra |
| EIC | Kodi i e-faturës në platformën qendrore të e-faturave |
| TCR | Pajisja fiskale (arka) e regjistruar te tatimet, dhe kodi i saj |
| Njësia e biznesit | Vendi i ushtrimit të veprimtarisë; ka kodin businessUnitCode |
| Kodi i operatorit | Kodi i personit që lëshon faturën, i marrë nga tatimet |
| Self-care | Portali i administratës tatimore ku biznesi merr kodin e njësisë dhe të operatorit |
| e-Albania | Portali shtetëror nga i cili biznesi merr certifikatën elektronike |
| Arka fiskale | Dita e punës në një TCR: hapja e balancës, hyrjet dhe daljet e parave, mbyllja |
| Klienti i rastit | Blerësi anonim i një shitjeje me pakicë. Fatura cash pa client lëshohet për të |
| Vetëfaturim | Faturë që e lëshon blerësi në emër të shitësit (self_issue_type) |
| Notë krediti, notë debiti | Dokument që korrigjon një faturë të lëshuar, duke ulur ose rritur vlerën (doc_type 381 ose 383) |
| Fletë shoqëruese (WTN) | Dokumenti që shoqëron mallin në lëvizje kur nuk ka shitje |
| UBL | Formati XML i e-faturës; process dhe doc_type janë fusha të tij |
| Preventiv | Ofertë çmimi pa vlerë fiskale; nuk fiskalizohet dhe nuk lëshohet nga ky API |
Kodet e njësive matëse#
unit_code, te produktet dhe te rreshtat e e-faturës, pranon vetëm kodet e mëposhtme (UN/ECE Rec. 20,
sipas listës së administratës tatimore). Kodi është ai që shkruhet në dokumentin fiskal; teksti i
njësisë nxirret prej tij dhe nuk dërgohet.
| Grupi | Kodet |
|---|---|
| Numërim | C62 njësi, XPP copë, PR palë, DZN duzinë, SET set, IE person, E55 përdorim, E54 udhëtim, QB faqe, D68 fjalë, H93 përqindje |
| Peshë | KGM kg, 58 kg neto, E4 kg bruto, GRM g, DTN kuintal, TNE ton, DT ton i thatë |
| Vëllim | LTR litër, MLT mililitër, MTQ m³ |
| Gjatësi dhe sipërfaqe | MTR metër, CMT cm, MMT mm, LM metër linear, KMT km, MTK m² |
| Kohë | SEC sekondë, MIN minutë, HUR orë, DAY ditë, MON muaj, ANN vit, E49 ditë pune, OT orë jashtë orarit |
| Të tjera | KWH kWh, MSK m/s², M4 vlerë monetare |
| Paketim | XBX kuti, XPK pako, XPX paletë, XRO rrotull, XBG qese, XBO shishe, XCT karton, XCR arkë, XSA thes, XCA kanaçe, XBA fuçi |
Më tej#
- Fillimi i shpejtë ju çon nga token-i te fatura e parë.
- Llojet e faturave tregon body-n e secilit endpoint.
- Gabimet shpjegon si lexohet një përgjigje.
Regjistrimi është falas.
Regjistrohu në fature.al