Çfarë është prodhimi
Prodhimi ju lejon të prodhoni artikuj të gatshëm nga lëndët e para. Një pastiçeri, për shembull, bën një tortë nga mielli, sheqeri dhe vezët. Përcaktoni një herë se çfarë përmban torta, dhe çdo ditë që prodhoni, torta shtohet në magazinë ndërsa përbërësit zbriten njëkohësisht. Është pjesë e modulit të Inventarit dhe u shkon për shtat furrave, pastiçerive dhe çdo biznesi që përpunon mallin para se ta shesë.
Receta e artikullit
Tek artikulli që prodhohet e shënoni si produkt që prodhohet, dhe vendosni përbërësit e tij te "Përbërësit e artikullit": sa miell, sheqer e vezë shkojnë për një njësi. Receta ruhet te vetë artikulli, kështu që e përcaktoni një herë dhe e përdorni sa herë prodhoni.
Fleta e Prodhimit
Te Magazina hapni një Fletë Prodhimi, zgjidhni artikullin që prodhoni, magazinën dhe sasinë. Sistemi ju tregon përbërësit që do të shkarkohen dhe gjendjen aktuale, që të mos filloni një prodhim pa lëndë të parë. Kur e ruani, artikulli i gatshëm hyn në magazinë dhe përbërësit dalin në të njëjtin moment.
Çfarë ndodh në shitje
Kur shitni artikullin e gatshëm, nga magazina zbritet vetëm ai. Përbërësit nuk preken, sepse u konsumuan në momentin e prodhimit. Kështu gjendja e lëndëve të para dhe e produkteve të gatshme qëndron gjithnjë e saktë, pa numërime të dyfishta.
Kostoja e prodhimit
Kostoja e artikullit të gatshëm llogaritet vetvetiu nga kostoja e përbërësve që u konsumuan, e pjesëtuar për sasinë e prodhuar. Kështu fitimi në shitje del me koston e vërtetë të prodhimit, dhe raportet e shitjeve nuk e ngatërrojnë konsumin e lëndëve me shitje.
Çmimi
Prodhimi përfshihet falas me modulin e Inventarit. Na kontaktoni për ta aktivizuar te paketa juaj.